Paano mawawari sa ating gunita
Minamahal nati’y dagling mawawala
Masidhing paglisan, bakas yaring luha
Ang kinabukasa’y paano na kaya?
Iniwan mo kaming tuluyang umaasa
Sa ‘yong bagong tahana’y lubusang lumigaya
Tanging panalangin sa Dakilang Lumikha
Tanggapin nya nawa, iyong kaluluwa.
Mahirap limutin ang iyong kabutihan
Ipinamalas mong dangal at karangalan
Isa kang bayani’t tunay na larawan
Nang isang dakilang ilaw ng tahanan.
Ang buhay ng taong tinahak sa mundo
Ay tanging hiram lamang, hindi permanento
Kaya’t sa inyong mga naririto
Tanging masasabi’y mapapalad po tayo.
Malungkot na paalam ay bagong simula
Nang isang landasing tunay na pinagpala
Saan man naroroo’y lumigaya nawa
Darating ang panahong muli tayong magkikita.
Filed under: Tula Tagged: | Kamatayan, paalam, PAGLISAN, PAGLULUKSA, PAGPANAW
Anastacio J. Cruz
nakakalungkot naman, ang gandang tula, sana mabasa mo naman ang tula ko, matutuwa ako pag nagcomment ka dito… salamat.