NARITO NA ANG MGA NANGANGARAP NA PAMUNUAN ANG ATING BANSA. HALINA”T KILALANIN NATIN SILA!
Si Bayani Fernando, ang dakilang mang-aawit
Mga vendor sa bangketa ang kanyang tinatarget
Ang pinupuna nya’y mga taong maliliit
Tiwaling opisyal, may ugaling bwiysit.
May sariling diskarte sa pamamahala
Ang taga-oposisyong napakatalas ng dila
Sa lungsod ng Makati, kilalang sugapa
Puwesto sa Malacañang, kanya ngang ninanasa.
Kilalang Senador na nuknukan ng diwara
Itong fashionistang si Loren Legarda
Talunang bise ng hari ng pelikula
Ngayo’y nangangarap na magbuhay reyna.
Magaling managalog, malalalim ang wika
Sa mga diskusyon, pumuputak ang bunganga
Kumbinsidong sa Senado’y meron syang nagagawa
Kung sya’y papalarin, Pangulong pinakabata.
Si Mike Velarde, kakampi ng militante
Sa EDSA man o Mendiola ay may prayer rally
Ang bisayang gunggong sinimulan ng magpapogi
Ang boboto sa kanya, tunay na ignorante!
Sinuwerte noong siya’ y tumiket kay Gloria
Sa mga survey ngayon, siya ang nangunguna
Endorser ng PAG-IBIG, Broadcaster ng masa
Sa anim na taon, mayron ba syang nagawa?
Sa sipag at tiyaga nagmula ang yaman
Posisyon sa Senado ay kanyang binitawan
Nilibre ng pamasahe mga Pilipinang nag-uwian
Patalastas sa tv, kabi-kabilaan.
Ang jowa ni Korina, si Mr. Palengke
Sa hirrings ng senado’y present sya parati
Tutularan ang amang naging dating Presidente
Mukhang may pag-asa kung tatakbong bise.
Sangkot sa lahat ng mga anumalya
Itong dating Hepe nitong ating pulisya
Sa kuratong baleleng, lumutang siyang bida
Sa pagpaslang kay Dacer, sa paglutang ni Lozada.
Pinakatiwali sa lahat ng tiwali
Ang gahaman sa puwestong humudas sa lipi
Nakikisawsaw pa sa usapan palagi
Wala namang alam kundi ang umarte.
Inyo pong nakilala mga kaibigan
Ang mga tatakbo sa darating na halalan
Kanilang plataporma ang ating pagbatayan
Mahusay na track record at kanilang kakayahan.
Hindi ang partido at paramihan ng angkan
Kahit pa salapi kanilang ipuhunan
Prinsipyo po nati’y huwag pabayaran
Iwasan po natin bulok na kalakalan.
Pagbabago lamang ang hangad ng lahat
Huwag tayong umasang di sila mangungurap
Lahat ng pulitiko’y maruming mangarap
Biglaang yumaman, walang paghihirap.
Sa inyong pagboto inyo sanang tandaan
Walang kamag-anak, walang kaibigan
Walang idolo at walang mga fans
Gamitin mong tama ang iyong karapatan.
Filed under: Akdang Pampanitikan, Filipino, Lipunan, Tula, pilipino | Tagged: 2010, 2010 ELECTIONS, 2010 PRESIDENTIABLES, BAYANI FERNANDO, BRO. MIKE VELARDE, CHIZ ESCUDERIO, COMELEC, ELEKSYON, ELEKSYON 2010, JEJOMAR BINAY, JOSEPH ESTRADA, KAMAPANYA, LOREN LEGARDA, Malacañang, MANNY VILLAR, MAR ROXAS, NOLI DE CASTRO, pangulo, PING LACSON, PRESIDENTE, PRESIDENTIABLES, PRESIDENTIAL ELECTION
Anastacio J. Cruz
Villar. :) Hehe. Links ex. BTW.
fuck this website…erap rules…