Isang komersyal lang ay lumabas na sila
Kanilang tangan-tangan, malungkot na balita
Na ikaw sa mundo ay namaalam na
Minamahal naming, Francis Magalona.
Nilisan mo kaming taglay ay musika
Tumatak sa isipan at puso ng masa
Mga kababayan, ngayo’y nagluluksa
Sa paglisan ng isang huwaran sa madla.
Bakas sa luha ng mga kaibigan
Sa mga libo-libong tagahanga’t mga fans
Sila ay patunay ng iyong iniwang
Mabuting pakisamang di matatawaran.
Pangarapin nawa ng lahat ng nasyon
Ang iyong pinangarap sa iyong panahon
Itaguyod nawa musika mo at misyon
Iyong ala-ala’y hindi maglalaon.
Paalam sa iyo, mahal kong Maestro
Musika mo’y kinubli na, sa bukal niring puso
Ngayong wala ka na, pangungulila’t pagsamo
Gagabayan mo nawa, MGA KABABAYAN KO..
Filed under: Tula Tagged: | FRANCIS MAGALONA, MASTER RAPPER, RAP, EAT BULAGA, FRANCIS M., KIKO MAGALONA, KIKO
Anastacio J. Cruz
francis would definitely appreciate this message..