SENADO

  “KILALANIN SILA! ANG MGA ALWAYS READY AT ANG MGA ALWAYS GREEDY”  

Marahil ay hindi natin kilala

Ang mga miyembro ng ating lehislatura

Matapos ang kanilang pangangampanya

Tanong ng marami, “Sino ba sila?” 

- – - – - – - – - – - – - – - – - – - – - – -

Ibat-ibang katauhan sa loob ng Senado

Ibat-ibang larawan ng mga pulitiko

Subalit bakit tila di kilala ng tao

Ang mga Senador na kanilang ibinoto. 

- – - – - – - – - – - – - – - – - – - – - – -

Si Loren Legarda ang naging number one

Nooong idinaos ang nakaraang halalan

Ibinasura ng korte ang kanyang kahilingang

Si Noli De Castro umano’y nandaya lang. 

- – - – - – - – - – - – - – - – - – - – - – -

Bagong pasok naman sa loob ng Senado

Itong batang-batang kapangalan ng keso

Mahabang nanungkulan sa Mababang Plenaryo

Ngayo’y naglilingkod si Chiz Escudero. 

- – - – - – - – - – - – - – - – - – - – - – -

Sa kuratong baleleng nadawit siya noon

Dili umano si Dacer sa lupa’y ibinaon

Naging Hepe ng pulisya ang taga-oposisyong

Presidentiable daw na si Panfilo Lacson. 

 - – - – - – - – - – - – - – - – - – - – - – -

“It’s none of your business” sabi ng Unang Ginoo

Sa matapang na si Allan Peter Cayetano

Ngunit may nagsasabing alanganin daw ito

Sa gabi’y siya’y si Petrang naroo’t nagdidisco. 

- – - – - – - – - – - – - – - – - – - – - – -

Si Jamby Madrigal ay isang mayaman

Ngunit kung titingnan mo ay walang nalalaman

Sa masang Pilipino ay nagpapapansin lang

Pagboto sa kanya’y dapat pagsisihan. 

- – - – - – - – - – - – - – - – - – - – - – -

Asawa naman ng bigating Artista

Butihing kabiyak ni Sharon Cuneta

Si Kiko Pangilinan kapuri-puring talaga

May bahid din kaya ang mga kamay niya? 

- – - – - – - – - – - – - – - – - – - – - – -

Sana naman ay di magmana sa kanyang ama

Itong kamukhang si Jinggoy Estrada

Lintik kung bumanat kay Pangulong Gloria

Sa Senado kaya’y mayron siyang nagagawa? 

- – - – - – - – - – - – - – - – - – - – - – -

Boom tarat tarat ang theme song nung kampanya

Sa batas ng biofuel nagsilbi siyang ama

Humabol sa listahan ng panlabing dalawa

Si Migz Zubiri na laging nakatunganga.    

- – - – - – - – - – - – - – - – - – - – - – -

Uugod-ugod man ay walang tatalo

Sa pakikipagtalo kay Enrile sa Senado

Subalit sabi nya’y bababa ang MERALCO

Bakit kaya napako ang kanyang pangako? 

- – - – - – - – - – - – - – - – - – - – - – -

Madalas mapagkamalang may sira sa ulo

Ang batikang Senador na si Miriam Santiago

Ngunit isa ito sa aking paborito

Lalo na pag nagwowalk-out sa loob ng Senado. 

- – - – - – - – - – - – - – - – - – - – - – -

Sa sipag at tiyaga raw nagmula ang yaman

Ni Manny Villar na nagbabalak lumaban

Sa pagka-Presidente sa darating na halalan

Teka muna, teka muna, mag-isip ka kaibigan. 

 - – - – - – - – - – - – - – - – - – - – - – -

Pag bad ka, lagot ka, ang kanyang naging motto

Nitong ating Senador na di marunong magbiro

Pumuti ang buhok sa pagseserbisyo

Isa kang dakila, Sen. Joker Arroyo!

 - – - – - – - – - – - – - – - – - – - – - – -

Si Rodolfo Biazon ay hindi mo malaman

Kung papanig kay Gloria o kung siya’y lalaban

Isang balimbing na prutas ang kanyang larawan

Sa loob ng Senado’y natutulog lamang. 

- – - – - – - – - – - – - – - – - – - – - – -

Sunod naman ay isang laos na artista

Itong si Lito Lapid na may interpreter pa

Ano ang silbi nya? Anong nagagawa?

Ang sagot sa ati’y wala po, wala! 

 - – - – - – - – - – - – - – - – - – - – - – -

Isa pang action star na paborito ng masa

Ang pagdinig sa Senado akala niya’y pelikula,

Pinagsisisihan ang pagboto ng masa,

Sa palpak na Senador na si Bong Revilla. 

- – - – - – - – - – - – - – - – - – - – - – -

Ano ba ang nagawa ng Senador ni Sarrah?

Buhay daw natin ay magiging magara

Ngunit bakit hindi natin nakikita

Ang mga pangako ni Edgardo Angara? 

- – - – - – - – - – - – - – - – - – - – - – -

Siya noo’y number one na taga suporta

Ni Pangulong Arroyo pinasumpa pa sa EDSA

Ngayo’y nagsisisi sa kanyang ginawa

Si Aquilino Pimentel, ngayon ay ANTI-GLORIA. 

- – - – - – - – - – - – - – - – - – - – - – -

Anak ng dating babaeng Pangulo

Itong bagong mukha sa loob ng Senado

Kahit lumapad na ang kaniyang noo,

Patuloy na naglilingkod si Noynoy Aquino. 

 - – - – - – - – - – - – - – - – - – - – - – -

Ang tanging Senador na nakabilanggo

Ay itong si Trillanes na dating Sundalo

Ilang beses nag-aklas laban kay Arroyo,

Wala namang naging silbi sa loob ng Senado. 

- – - – - – - – - – - – - – - – - – - – - – -

Batikan din sa larangan ng mga kudeta

Nang huhulihin ng pulis ay tumalon pa sa bakod niya,

Si Gringo Honasan na mukha ng EDSA

Sa Senado kaya’y kailangan pa ba siya? 

- – - – - – - – - – - – - – - – - – - – - – -

Anak naman ni Senador Compañero,

Itong huling babaeng si Pia Cayetano

Pinagkatiwalaan ng Sambayanang Pilipino

Ano ba ang nagawa ng babaeng ito?? 

 - – - – - – - – - – - – - – - – - – - – - – -

Isa pang nagbabalak na maging pangulo

Ay itong Senador na taga-Olonggapo

Si Richard Dick Gordon, Butangero ng Senado!

Di na dapat maglingkod, tulad nyang tarantado!

   - – - – - – - – - – - – - – - – - – - – - – -

Ang pangarap naman nitong si Korina

Ay maging Pangulo ang kanyang sinisinta

Upang sa Malacanañang ay magbuhay reyna

Pag nanalo si Mar Roxas pakakasal na siya!

 - – - – - – - – - – - – - – - – - – - – - – -

Mga kababayan, mga Pilipino

Ang mga bumubuo nitong ating Senado

Lahat sila’y pawang tiwaling pulitiko

May dungis ang kamay, ninanakawan ang tao!!   

(Handa kong harapin kung sakaling ako’y idemanda ng mga Senador na aking binanatan sa akdang ito. Naniniwala ako na ang ilan sa ating mga Senador ay tapat at mapag-kakatiwalaan samantalang ang karamihan ay kurap at magnanakaw. Mariin kong nililinaw na ang mga pahayag na nakasaad sa tula ay opinyon ko lamang bilang may-akda. -G. Anastacio Cruz)