TOOTH DECAY NG PILIPINAS

Sumisigaw sa sakit itong aking bansa,

Sa sakit ng ngipin, tuloy pang namamaga,

Pinasyang magtungo sa kanyang dentista,

Upang ang kanyang ngipin, palagyan ng pasta.

—————————————-

Juan Dela Cruz, pangalan ng Dentista,

Hinanda ang gamit, binasta ang pasta,

Nang kanyang silipin, napailing siya,

Pagkat, malala na’t, hindi na makakaya.

—————————————-

Kailangan ng bunutin ang bulok mong ngipin,

At baka lumala pa ng lalong magaling,

Ayaw ipabunot ng bansa kong swapang,

Baka naman daw, kaya pang remedyuhan.

—————————————-

Tulad nito ang sitwasyon dito sating bayan,

Mga kasiraa’y madalas natatakpan,

Hindi lumilitaw ang katotohanan,

Wari ko lahat ngayon ay nababayaran.

—————————————-

Ngunit sawa na ang mga Pilipino,

Sa kabulukan ng Gobyernong Arroyo,

Kailangan ng bunutin sa loob ng Palasyo,

Sigaw ng Pilipinas, palitan ng bago.

—————————————-

Ngunit matigas ang kanyang sinabi,

Walang iba ika niya, ako ang Presidente,

Hindi ako aalis anuman ang mangyari,

Wag nyo nang balaking magkaroon ng EDSA 3.

—————————————-

Subalit ang tao ay may kakayahan,

Na kapag nagbigkis ay lalong tumatapang,

Darating ang panahon, muli tayong lalaban,

At ating sasabihin, “GLORIA ALIS DYAN!”

—————————————-

Alagaan natin ang ating mga ngipin,

Upang hindi maging ganid at lalong maging sakim,

Sambayanang Pilipinas, atin nawang isipin,

Pag tayo’y nagsama-sama, kaya natin! Kaya natin!

—————————————-

Nananalangin ako, nawa’y bunitin na,

At hindi na takpan ng panibagong pasta,

Baka kabataan, ay biglang mahawa,

Sa VIRUS na dala ng EVIL na si Gloria.

—————————————-

Lumabas ka ng lansangan at ipagsigawan,

Ang iyong saloobin sa buong sambayanan,

Baka sakaling dinggin ka, baka sakaling pakinggan,

Tayo na sa EDSA, tayo ng lumaban.